Ռիո դե Դիոս
Ռիո դե Դիոս – հորինված գյուղ Բրազիլիայում, Ամազոն գետի ափին, որտեղ տեղի են ունենում Դօրիանի «Ադհյատման» վեպի գործողությունները։
Սյուժեի համաձայն, վեպի գլխավոր հերոսը՝ Լուկան, իր հայրենի Ջենովայից Ռիո դե Դիոս է գալիս՝ Աստծուն որոնելու նպատակով։
Հիշարժան վայրեր
Ռիո դե Դիոսի հիշարժան վայրերից են հին եկեղեցին, որն ունի իր սեփական հրաշքը՝ ապակուն արտատպված՝ Քրիստոսի սրբապատկերը, անանուն պանդոկը, որտեղ սիրում են երեկոներն անցկացնել տեղաբնակները, ինչպես նաև «Ծաղիկների արքայություն» կոչվող հյուրանոցը, որտեղ կանգ էին առել վեպի հերոսները։
Գյուղից ոչ հեռու է գտնվում հորինված շաքեթ հնդկացիական ցեղի գյուղակը։
Հայտնի քաղաքացիներ
Ռիո դե Դիոսի հայտնի քաղաքացիներից են գյուղապետ Նունեշը, «Ծաղիկների արքայություն» հյուրանոցի սեփականատեր Սիլվերը, ինչպես նաև սիրո քրմուհի (փաստացի՝ մարմնավաճառ) Շեաթը։
Գյուղի պատմական դեմքերից է գյուղապետ Նունեշի ապուպապը՝ Սիլվերիու Նունեշը, ով համարվում է Ռիո դե Դիոսի հիմնադիրը։
