Սոս Սարգսյան
Սոս Սարգսյան (1929-2013), թատրոնի և կինոյի հայ մեծանուն դերասան։[1]
2009 թվականին, երբ Դօրիանն արդեն արժանացել էր «Ինքնագիր» գրական մրցանակի, Երևանի Թատրոնի և Կինոյի Ինստիտուտի ուսանողների հետ համատեղ բեմադրել էր «Կապտուկներ հոգուն» ներկայացումը, դեռևս հասարակական լայն ուշադրության էր արժանանում և հանդես էր գալիս նաև հոմոսեքսուալ անձանց պաշտպանությամբ, ԵԹԿՊԻ այդ ժամանակվա ռեկտոր Սոս Սարգսյանը ինստիտուտի ուսանողների ներկայությամբ իր «մեծարանքի երեկոյի» ընթացքում անսպասելիորեն անդրադառձել էր հենց հոմոսեքսուալության թեմային՝ քննադատելով ԼԳԲՏ անձանց և օգտագործելով վիրավորական բառապաշար։
Իր «Հոգու մերկապար» բլոգի գրառումներից մեկում Դօրիանն անդրադառնում է Սարգսյանի հետ կապված այդ միջադեպին՝ գրառումը վերնագրելով «Տարվա պ*աստը»․
Մեր ականավոր գործիչ, մեր թատրոնի ու կինոյի փառք ու պատիվ Սոս Սարգսյանը իր մեծարանքի երեկոյի ժամանակ ուրիշ ասելիք չի գտնում, քան «պ*աստների» մասին խոսելը։ Գեղեցիկ այդ տերմինոլոգիայով Սոսը դիմում է երեկոյին հավաքված ուսանողներին ու ուսանողուհիներին, ինչից հետո երկրորդներն ապշած էին, իսկ առաջիններից ոմանց մոտ ցանկություն էր առաջացել Սոսից մի հատ մեծ սոսիսկի սարքել։ Ի դեպ, տարեսկզբին «Հրապարակ» շաբաթաթերթում իմ մասին լույս տեսած հոդվածի հեղինակիկը գրել էր, թե ես Սոս Սարգսյանին «ՀՀ վաստակավոր չիր» եմ անվանել։ Ես նման բան ոչ մի տեղ չեմ գրել… երևի իզուր…[2]
Գրառումը կատարելուց 3 տարի անց, «Կիսաբաց լուսամուտներ» հեռուստածրագրի՝ իր հարցազրույցի ընթացքում Դօրիանը խոստովանեց, որ «Հրապարակ» թերթում լույս տեսած հոդվածը, որին հղվում էր վերոնշյալ բլոգային գրառման մեջ՝ նույնպես ինքն էր գրել։ Այսինքն՝ նա նախ ի՛նքն էր տարածել այն սուտը, թե Սոս Սարգսյանին անվանել է «ՀՀ վաստակավոր չիր», ապա ի՛նքն էլ հերքում էր իր տարածած սուտը։
Քանզի «Հրապարակ» թերթում տպագրված հոդվածը լայն տարածվում էր գտել համացանցում, չի բացառվում, որ Սոս Սարգսյանի բարկության պատճառն հենց այն էր։
