Հոգու մերկապար
Հոգու մերկապար – Դօրիանի առաջին կայքը, որտեղ հրապարակվում էին ինչպես հեղինակի ստեղծագործություններն, այնպես էլ լայն տարածում ունեցող անձնական բլոգը։
«Հոգու մերկապարը» ստեղծվել է 2009 թվականի հունվարի 13-ին։ Կայքի վերնագիրը վերցված է հեղինակի 2007 թվականին գրված բանաստեղծությունից՝
Երդման տակ վաղավճիռ, Ու կարծես թե՝ սուտ, Հոգիս քեզ համար Մերկապար է պարում…
«Հոգու մերկապարը» հիշատակվում է նաև Դօրիանի 2009թ․ գրված «Փնտրիր ինձ» բանաստեղծության մեջ․
Ու երբ ինձ կրկնել ես ուզում՝ / Լուծելով չլուծվող մի խնդիր, / Պոետիկ ու խելառ իմ հոգու / Մերկապարը Google-ում դու փնտրիր։[1]
«Հոգու մերկապարում» հրապարակվել են մինչև 2009 թվականը գրված մի քանի տասնյակ բանաստեղծություններ, «Իսկ գիշերվանից հետո՝ շուշաններ» և «Ադհյատման» վեպերը։ Կայքի գոյության ընթացքում են գրվել «Սատանան մայրամուտին», «Թոքախտավոր սուտը» և շուրջ մեկ տասնյակ այլ պատմվածքներ։
«Հոգու մերկապար» բլոգի գրառումներից մի քանիսը հրապարակվել են «Yes!» ամսագրում։ [2]
«Հոգու մերկապարում» գործում էր նաև բաց չատ, որտեղ կարող էր գրառում կատարել ցանկացած այցելու։ Համաձայն կայքերից մեկի, հենց այնտեղ է սկիզբ առել այդ տարիներին հայտնի «Բարև էս չատի ամենասիրուն աղջկան» մեմը։ [3]
Այդ տարիներին գործող Circle կայքերի վարկանիշային ցուցակում «Հոգու մերկապարը» երկար ժամանակ այցելությունների քանակով բարձր դիրքեր էր զբաղեցնում «Արվեստ և մշակույթ» բաժնում։
Իր առաջնային տեսքով «Հոգու մերկապարը» պահպանվում է մեկ տարի, որից հետո տեղափոխվում է WordPress բլոգ-հարթակ, նախ՝ «Եվ Աստված ստեղծեց Դօրիանին», ապա՝ «Լինել Դօրիան» վերնագրերով։ Կայքից հեռացվում է հեղինակի բլոգը, հրապարակվում են միայն արձակ և չափածո ստեղծագործությունները։
Կայքի ներկայիս՝ DORIAN.AM դոմենը գրանցվել է 2010 թվականի վերջին։ Այդ հասցեով գործող կայքը ստեղծման օրից կոչվել է պարզապես Դօրիան։ 2016 թվականին հեղինակի կողմից փորձ էր կատարվել կայքը վերածելու գրքերի թեմայով սոցիալական ցանցի։ Սակայն նորաստեղծ «սոցիալական ցանցը» կարճ ժամանակ անց փակվեց։
Դրանից հետո՝ որոշ ժամանակ DORIAN.AM-ն իրենից ներկայացնում էր պարզ այցեքարտ-կայք (հեղինակի ստեղծագործությունները հրապարակում էին Medium և Bookmate կայքերում, ինչպես նաև իր ստեղծած «Իմ գրադարակը» հավելվածում)։
Իր ներկայիս տեսքով DORIAN.AM-ը վերաբացվել է 2020 թվականի մարտ ամսին։ Այն ընդգրկում է հեղինակի ստեղծագործությունների՝ երբևէ հրապարակված ամենամեծ հավաքածուն։
Աղբյուրներ
- ↑ «Փնտրիր ինձ» բանաստեղծությունը Դօրիանի անձնական կայքում – https://dorian.am/google-search/
- ↑ «Հոգու մերկապար» կայքի մասին Դօրիանի անձնական կայքում – https://dorian.am/about-website/
- ↑ Դօրիանի կենսագրությունը «Չտեսություն» կայքում – http://ահավոր.հայ/
